နှင်းပွင့်တိုင်းပြည်

အချစ်ဆိုတာဘာပါလိမ့်နော်။ လူတွေကချစ်တယ်ချစ်တယ်သာပြောကြတာ။ဟော သူတို့မျော်လင့်သလိုဖြစ်မလာကော သူတို့ရဲ့ချစ်ပါတယ်ဆိုတဲ့လူကို သူတို့ကိုယ်တိုင်
ပဲ နာကျင်အောင်လုပ်ကြတော့တာတဲ့။ မိဘအချစ် သားသမီးအချစ် မောင်နှမအချစ် 
လင်ချစ်မယားချစ် ဘယ်အချစ်ကများခိုင်မြဲပါသလဲ။

ဖေ့ဘုတ်ကစာသားလိုပဲ 

ကျမကကျမချစ်တဲ့လူတွေကိုဆုံးရှုံးမှာကြောက်နေခဲ့ရသလို
ကျမကိုဆုံးရှုံးမှာကောဘယ်သူတွေကကြောက်နေခဲ့ပါလိမ့်နော်။

အကယ်လို့များ ကျမသေသွားမယ်ဆိုရင် ကျမကိုချစ်ပါတယ်ဆိုပြီးနာကျင်အောင်လုပ်နေကြတဲ့လူတွေ
တစ်ကယ်များနောင်တရနိုင်ပါ့မလား။။။။။။။။။။။။။။။။။။။။။။။။။။။။။။။။။။။။

ခုတစ်လောဘလော့တောင်မေ၇းဖြစ်ပါဘူး။အလုပ်တွေများပြီး (ဘာတွေလုပ်မှန်းမသိလုပ်လိုက်စိတ်ညစ်လိုက်နဲ့)။ခုလည်း ၀မ်းနည်းတယ်။စိတ်ညစ်တယ်။ငိုချင်တယ်

အချစ်မှာ 1500 မှပူလောင်တာမဟုတ်ပါဘူး။528 ကလည်းပူလောင်စေပါတယ်။ခုတော့ ကျမက 1500 နဲ့ 528 ကြားမှာပေါ့။ရက်ကန်းစင်ကလွန်းလေးလို ဟိုပြေးလိုက်ဒီပြေးလိုက်နဲ့။သံယောဇဉ်တွေနဲ့ ကျမ
ကိုယ်ကျမအထပ်ထပ်ရစ်ပတ်လို့ပေါ့။ ချစ်သူကလည်း ကျမကိုချစ်တယ်။စိတ်ပူတယ်။သူ့ အနားမှာ ရှိ
စေချင်တယ်။ 528သောကျမရဲ့မိသားစုတွေကလည်း ကျမကိုအနားမှာ၇ှိစေချင်တယ်လေ။မေမေက
ကျန်းမာရေးမကောင်းဘူး။အမကလည်းအိမ်ထောင်ကျသွားတော့ သူ့ ကိုဂရုစိုက်မယ့်လူလိုပါတယ်။
အိမ်ကိစတွေကလုပ်စရာများပါတယ်။ကျမမှာနေ့စဉ်ပြသနာတွေကတစ်ပုံတစ်ခေါင်း။အလုပ်မှာဆို
လည်း သူဌေးကကျမကို ပိုလုပ်နိုင်လို့ ပိုခိုင်းချင်ပါတယ်။ကျမမှာ လောဘကြီးပါတယ်။တစ်ခုလိုချင်
တစ်ခုကိုစွန့်လွတ်သင့်ရဲ့နဲ့မစွန့်နိုင်ဘူး။အကုန်လုံးလိုချင်တယ်။ဒီတော့ ကျမရဲ့အိပ်ချိန်စားချိ်န်ကိုပဲ
စွန့်လိုက်တော့တယ်။

လွမ်းလိုက်တာချစ်သူရယ် ဘယ်တော့များမှဆုံနိုင်မှာလဲဟင် တူတူစားတဲ့အကြော်ဆိုင်လေးလည်းလွမ်းတယ်

တူတူစီးတဲ့ကားကြီးလည်းလွမ်းတယ်။ ခုတော့ သူများချစ်သူစုံတွဲတွေတွေ့ ရင် ငါတစ်ယောက်တည်းနင့်ကို

သတိတွေရလို့ပေါ့ နင့်ကရောဟင် ငါ့ကိုသတိမှရရဲ့လား ။ တူတူသွားတဲ့လမ်းလေးမှာ ငါတို့ဆိုင်ကယ်စီးရင်

ချစ်တယ်လို့ အော်တာသတိရလားဟင်။ငါတို့စားတဲ့ထမင်းဆိုင်လေးကောပေါ့။ ငါလေ နင့်နားမှာရှိရင် တစ်လော

ကလုံးကိုမေ့နေရောပဲကွယ်။ နင်လေ ငါ့ကို ပြန်ပို့တဲ့လမ်းမှာ တမင်အချိန်ဆွဲနေမှန်း သိပါရဲ့။ နင်ရင်ထဲ ၀မ်းနည်း

နေမယ်ဆိုတာငါသိပါတယ် ချစ်သူရယ်။ ငါလေ နင့်ကိုသိပ်ချစ်ပါတယ်ဟယ်။

ကျမချစ်တဲ့မက်နိုးလီယားရဲ့  အဓိပယ်ဟာ nobility,preserverance and nature of love တဲ့။
ကျမအတွေးကတော့ ဒီပန်းလေးကို မြင့်မြတ်တဲ့ အင်မတန်ကြိုးစားတဲ့ မိန်းမတွေကို ကိုယ်စားပြုသင့်တယ်ထင်တယ်။ ဖြစ်နိုင်ရင် ကျမ အမေကို အဲ့ပန်းလေးပေးချင်လိုက်တာ။ ကျမမေမေဟာ ကျမတို့အတွက် သူ့ မာနတွေ၊ပျော်ရွင်မှုတွေကိုရင်းနှီးခဲ့တာပါ။ခုဆိုမေမေဟာ brain cuma last stage ကိုရောက်နေပါပြိ။ သူ့ ဘ၀မှာ ကျမကိုမွေးတုန်းကတစ်ကြိမ် ၊ လွန်ခဲ့တဲ့ 4နှစ်က တစ်ကြိမ် ဓာတ်ရောင်ခြည်ကုသခံခဲ့ရပါတယ်။ သူ့ ကိုဆရာဝန်မက 6လသာ အသက်ရှင်မယ်လို့ ပြောခဲ့ပါတယ်။ဒါပေမဲ့ အမေဟာ ကျမတို့ ကိုစိတ်မချခဲ့ပါဘူး။ ဒါကြောင့်မယုံနိုင်လောက်အောင်ကို အသက်ရှင်ခဲ့ပါတယ်။ ခုတစ်ခါ သူ ရောပါပြန်စနေပါပြီ။
သူမနက်တိုင်းခေါင်းမူးပါတယ်။ဒါပေမဲ့ သူ ကျမမောင်လေးအတွက် မုန့်ဝယ်မပြတ်ပါဘူး။ကျမ
ကခေါင်းမာပါတယ်။ သူကကျမကိုလည်းစိတ်မချနိုင်ပြန်ပါဘူး။အမှန်က အမေ့ရင်တွေကွဲကြေဖူး
တာကျမတို့ အသိဆုံးပါ။ အမေ ဘာတွေစွန့်လွတ်ထားတယ်ဆိုတာကောပေါ့။ အမေ က သူ ခံစားနေတာတွေကိုမပြခဲ့ပါဘူး ခုထိလေ။ခုဆိုသူ့ နားက အရည်တွေထွက်နေတယ်။မျက်စိကမမြင်
ရတော့ဘူး။ခေါင်းက အကျိတ်ကြောင့်လေ။ဒါပေမဲ့ အမေဟာ ကျမကိုမုန့်ဖိုးပေးမပြတ်သေးဘူး။
ကျမညဘက်အပြန်နောက်ကျရင်စောင့်တုံးပါပဲ။ ဒီဘလော့လေးရှိမှန်းတောင်မေမေမသိပါဘူး။
သူကအင်တာနက်ဆိုတာဘာမှန်းတောင်မသိရှာပါဘူး။အမေဟာ ကျမအဖို့တော့ ဒုက္ခ တွေ သောကတွေကြုံတိုင်း ရပ်တည်ပေးခဲ့သူပါ။သူသာမရှိတော့ရင် ကျမဘယ်လိုနေရမလဲဆိုတာ မတွေးဝံပါဘူး။ စိတ်ဆင်းရဲစရာ ကြုံတဲ့အခါ သမီးစားဖို့ဆိုပြီး ဟင်းထည့်ပေးမယ့်မေမေ၊ မနက်စာ
မမှီတဲ့အခါ ထမင်းချက်ပေးဖို့ အဒေါ်ကိုခိုင်းတဲ့မေမေ( အဒေါ်ကမနက်ထမင်းထချက်မပေးချင်ပါ)
ပိုက်ဆံမရှိတဲ့အခါ မေကြီး သမီးကိုပိုက်ဆံပေးပါဦးလို့ ပြောခွင့်မရှိတော့တဲ့အခါ ။ ပင်ပန်းပြီး
ဝမ်းနည်းတဲ့အခါ အမေက သီချင်းဆိုပြတတ်ပါတယ်။ကျမကိုကြိုးစားဖို့ပေါ့။

ကျမအလုပ်ကခွင့်မရပါဘူး ။ တစ်လမှတစ်ရက်သာပျက်ခွင့်ရှိပါတယ်။မေမေက သူ့ အခြေအနေ
မကောင်းဘူးဆိုတာသိပါတယ်။ဒါကြောင့် သူ့ နားမှာနေစေချင်ပါတယ်။ ကျမမှာ အလုပ်တစ်ခု
၇ှိမှဖြစ်မယ်ဆိုတာလည်းသိတော့ သူမပြောပါဘူး။ကျမကတော့ အလုပ်လုပ် ပြန်လာ ထမင်းစား
အိပ်နဲ့ပါ။သူ ကျမကိုညဘက်လာလာကြည့်တာကိုလည်းမသိခဲ့ပါဘူး။အမေဟာ ညဘက်ထထပြိး
ခုဆိုသားသမီးတွေကိုလိုက်ကြည့်ရှာပါတယ်။ သူ ခွဲခွာသွားတော့မှာလားဟင်။

ဒီ မက်နိုလီယားတွေဟာအမေ့အတွက်ပါ။ အမေဟာ မြင့်မြတ်တယ်။ သားသမီးတွေအတွက် လောကဓံကိုကြံကြံခံ ခဲ့တယ်။အမေဟာ ချစ်ခြင်းရဲ့ပြယုပ်ဖြစ်တယ်။ကျမဟာခုထိ မိဘကို တစ်ပြားမှပြန်မအပ်တဲ့ မိုက်တဲ့သမီးဖြစ်ပေမဲ့ ကျမ မေမေကိုသိပ်ချစ်ပါတယ်။

ငါစောင့်နေတယ်။ ငါ့အိမ်မက်တွေပျံသန်းနိုင်မယ့်နေ့

ငါစောင့်နေတယ်။ အပြုံးတွေအသက်ဝင်မယ့်နေ့

ငါစောင့်နေတယ်။ နာကျင်ခြင်းဆိုတာမရှိတော့မယ့်နေ့

ငါစောင့်နေတယ်။ငါ့ဘ၀ ငါ့လက်ထဲပြန်ရောက်မယ့်နေ့


လူမသတ် မခိုး ဘယ်သူ့ ကိုမှ ဘ၀မဖျက်ခဲ့ပေမယ့်

ငါကထောင်ကျခဲ့သူပါ။

အမှားချင်းတူရင်တောင် ငါကပိုမှားတယ်။

အငိုချင်းတူရင်တောင် ငါကသနားစရာမကောင်းဘူး။

အပျော်ချင်းတူရင်တောင် ငါနဲ့မထိုက်တန်ဘူး။

ငါ့ရင်တွေနာလည်း အဲ့ဒါငါ့အတွက်ဆုလာဘ်တဲ့လေ။

သေရတာ ရှင်ရတာထက်လွယ်တယ်။

ငိုရတာ ရယ်ရတာထက်လွယ်တယ်။

တစ်ခုကိုရဖို့  ငါစွန့်လွတ်ရတာများတယ်။

မျော်လင့်ပေမယ့် မရတာများတယ်။

ရယူဖို့ ကြိုးစားတာထက် စွန့်လွတ်လိုက်တာက ငါ့အတွက်ထိုက်တန်တယ်။

                  သူ



သူ အသက်ရှုနေတဲ့လေထုကိုချစ်တယ်
သူ ရပ်တည်နေတဲ့မြေကြီးကိုချစ်တယ်
သူ ရဲ့အပြုံးတွေကိုချစ်တယ်
သူ ရဲ့မျက်ရည်တွေကိုလည်းချစ်တယ်
သူ ယုံကြည်တာတွေကိုလည်း ချစ်တယ်
သူ မျှော်လင့်တာတွေကိုလည်းမျှော်လင့်ချင်တယ်
သူနဲ့အတူတူပဲ ဒီဘ၀ ဒီခရီးကို ကုန်ဆုံးချင်တော့တယ်
သူ ငိုရင်လိုက်ငိုပြီး သူ ရယ်တဲ့အခါ သူအပြုံးကိုကြည့်နေချင်တယ်
သူ နာကျင်တဲ့အခါ သူ့ ကို အားပေးပြီး နေချင်တယ်
မနက်ခင်း နေခြည်တွေဖြာနေတဲ့အချိန် သူ နဲ့အတူတူလမ်းလျွှောက်ချင်တယ်
သူ့ ပခုံးကိုမှီပြီး ဘ၀ရဲ့အခက်အခဲတွေအကြောင်းပြောပြချင်တယ်
ဝမ်းနည်းတဲ့အခါ ပင်ပန်းတဲ့အခါ သူ ရင်ခွင်မှာမှီပြီး တိုင်တည်ချင်တယ်
သူ ရင်ခွင်မှာပဲ နောက်ဆုံးအသက်ရှုသွားချင်တော့တယ်

ဒီနေ့တော့ သူဌေးက ၀မ်နင်ပေးထားလို့ ကျမမှာ ချစ်သူကိုယ်တောင် ဂရုမစိုက်နိုင်ခဲ့ဘူး ။ ချစ်သူဆီ ပုံမှန်ဆက်နေကျထက်လျှော့ပြိးဖုန်းဆက်ခဲ့တယ်လေ။ ချစ်သူကအပြစ်မတင်ခဲ့ရှာပါဘူး။ချစ်သူကိုလည်းကျေးဇူး
တင်မိတယ်။ဒီကနေလည်းတောင်းပန်ပါတယ်။အလုပ်ကအရမ်းကိုဖီအားများလာလို့ပါ။ပြီးတော့ ကြိုးစားရမယ်လေ ။ ကျမက ချစ်သူဆီကိုအရောက်လာခဲ့မယ်လေနော်။ချစ်သူလဲကြိုးစားနော်။ချစ်သူရယ် လွမ်းတယ်။

ဒီနေ့တောအများကြိးရေးမှပဲ သူ့ အတွက် တစ်ပတ်စာပါ ဒါမှသူတစ်ပတ်လုံးဖတ်လို့ရမှကိုး ဒီနေ့တော့ ကျမမှာဖုန်းမရှိတုန်းက ဘယ်လောက်ဒုက္ခဘယ်လောက်ရောက်ခဲ့လဲဆိုတာ သူသိစေချင်တာပါ (အိမ်မှာဖုန်းရှိပေမဲ့ အကြီးမငယ် 30နားကပ်မှဖုန်းခိုးပြောရင်အဆဲခံရမှာပေါ့ရှင့်)
အရင်ကကျောင်းကလည်းတက်နေသေးတယ်လေ အဲ့တော့ စာထထကျက်တယ်ဆိုပြီး မနက်4နာရီထ
ဖုန်းခိုးဆက်ရသကိုး ဟီး ခုတော့ အဲ့အချိန်လေးတွေတောင်လွမ်းသေးတယ် ခုကျတော့ မဆက်နိုင်တော့ဘူးကို အဖေသတ်မှာဆိုးလို့ လေ အင်း ကြင်နာသူအပေါ် တာဝန်တွေလည်း ပေါ့လျှော့နေပြိ ဒီဘလော့လေးနဲ့ပဲခွင့်လွတ်ပေးပါတောင်းဆိုရမှာပဲ ပြီးတော့ကျောင်းကအပြန်လည်း
ဖုန်းဆက်ရသေးတယ်ရှင် သူ့ ကနှိုးပါဆိုသကိုး ဖုန်းဆိုင်တွေကမှတ်မိမှာလည်းရှက်သေးတယ် အဲ့တော့ 3 ရက်ခြား 4ရက်ခြားတစ်ဆိုင်ပေါ့လေ လှည့်ပတ်ဆက်လိုက်တာ မှတ်တိုင်နားက PCO တွေလည်း ကုန်ရောပဲ :P
        အဲ ကျောင်းနားကမှတ်တိုင်ပဲလား ရပ်ကွက်ထဲက ဖုန်းဆိုင်တွေလည်းကုန်ရောပဲ ဒီကြားထဲ သူ့ ဖုန်းက CDMA ဖြစ်ပြီး အင်တာနက်ကျရင် သူ့ ဖုန်းကပါခေါ်မရဘူးရှင် သူဖုန်းကလည်း ကြီးကျယ်တယ်ပြောရမလားပဲရှင့် ဟန်းဆက်ကောင်းတဲ့ကြိုးဖုန်းတွေနဲ့ခေါ်မှဝင်သရှင် အဲ့တော့
ကျမလည်းခြေကိုတိုရောပေါ့ လိုက်ဆက်ရတာ ဒီကြားထဲတစ်ခါတစ်ခါ ဆက်သွယ်ရေး ကောင်းချက်က လူကြိးမင်းခေါ်ဆိုသောဖုန်းနံပါတ်မှားယွင်းနေပါတယ်ရှင် တို့  တပ်ဆင်ထားခြင်းမရှိသေးပါရှင်တို့ လုပ်သေးတာ အဲ့တော့ဖုန်းအိမ်တွေက ဟာ... ဒီကောင်မလေး မရှိတဲ့ဖုန်းကြိးခေါ်နေတယ်ထင်တာပေါ့ရှင့် ကျမမှာလည်း မျက်နှာပြောင် တိုက်ပြီး ကြာကြာမဆက်ရဲပါဘူး နောက်တစ်ဆိုင်ပြောင်းရတာပေါ့ ရန်ဖြစ်တဲ့နေ့တွေဆို ပိုဆိုးသေးတယ် စိတ်ကိုတစ်အားညစ်ကောပဲ ကျမကပြသနာကိုမရှင်းပြိးမချင်း စိတ်ထဲမကြေလည်မချင်းရှင်းချင်နေတော့တာလေ
        ခုတော့ အဲ့ဖုန်းဆိုင်လေးတွေကတောင် ကျမကိုသိနေပြီ ခုမလာတာကြာလို့တောင်မြင်ရင် သူတို့ ကရယ်ပြနေသေးတယ် သူရန်ကုန်လာမှသေချာလိုက်ပြရမယ် ဘယ်လောက်ကျမ ပင်ပင်ပန်းပန်း ကြိုးကြိုးစားစား ဖုန်းဆက်ထားတယ်ဆိုတာပေါ့ရှင်

ကျမကတစ်ကယ်တော့ problem seeker တစ်ယောက်ပါ တစ်နေ့တစ်မျိုးမရိုး၇အောင်ကို ကျမတို့ ရန်ဖြစ်တယ် စိတ်မကောင်းဖြစ်တယ် ပြီးတော့ ပြန်တည့်ကြပါတယ် တစ်ကယ်တော့ ကျမကိုယ်နှိုက်ကလည်းမကောင်းတာပါ ကျမကစကားပြောလောကြီးပါတယ် ကိုယ်ပြောချင်တာကို သူများသဘောပေါက်လားမပေါက်လားမသိ ခရားရေလွတ်ပြောလေ့လည်းရှိပါတယ် ကိုယ်ဆိုလိုချင်တာကတစ်မျိုး သူသဘောပေါက်တာကတစ်မျိုး ခဏခဏကိုဖြစ်တတ်ပါတယ်။
သူ စိတ်ဆိုးပြီဆို သိပ်စိတ်ညစ်တာပဲ ။ ဘာလုပ်လို့ လုပ်ရမှန်းကိုမသိဘူး။ အမှန်က သူ့ ထက်ကျမကပိုချစ်တတ်လားမသိဘူး။ ခုလည်းဗဟုသုတရတာတင်မယ်ဆိုပြီးဆွေးနွေးခါမှ သူ့ ရဲ့ယောကျာ်းမာနကိုသွားထိခိုက်ရတယ်လို့ .။စိတ်ညစ်ပါတယ် ။ ဒီညလည်းကောင်းကောင်းကိုစာဖတ်ဖြစ်မယ်မထင်တော့ပါ။
သူ့ ကိုပဲဘယ်လိုချော့ရမလဲတွေးနေတော့မှာပဲ။
အော် ......... အချစ် အချစ်
ခုဒီပိုစ်ကနေတောင်းပန်တယ်နော် အဲ့လိုမရည်ရွယ်ပါဘူး ချစ်သူ စိတ်ဆိုးပြေပါတော့ အရင်အတိုင်းလေးပဲခံစားပေးပါနော်